<旅> 第一次~飛

<旅> 第一次真正出國就係2004年~ 當時成就左好多人生既第一次~第一次自己一個離開香港同埋第一次搭飛機, 第一次訂機票, 準備行程等等~ 好啦~ 講返D歷史啦不如! 當其時, 以我既認知, 訂機票好似冇依家咁方便, 我係去左旅行社買機票既~ 當時仲真係有好似支票簿既機票比我添~ 而果款機票, 亦成為左我人生既唯一一張咁既機票! 種感覺真係好得意! :) 今時今日已經好似唔洗機票咁~ 係用e-ticket, 睇返D紀錄, 我仲要係11月27號先買機票! 哈哈~ 反而依家買機票好似差唔多成年前買咁! 好啦~ 唔講太多對比野啦~~ 第一次旅行, 香港去台北, 8點機, 好興奮, 早一晚都冇咩點訓, 太期待呢次既旅程, 我只係帶左一個背包就走~ Check in 時, 地勤姐姐見我一個人, 所以安排左窗口位比我, 記得姐姐講過, 第一次坐飛機要簡窗口位呢, 真開心我都冇要求但地勤姐姐就安排左比我! 之後上到飛機, 所有野都好新奇, 搵搵搵自己個位, 我記得個位係好闊好舒服既~! 等左好耐終於都起飛, 由東涌到青衣再到荃灣之後就見到沙田, 之後就飛左入雲lu~ 之後就係期待既飛機餐出場啦~ 原來係食點心~ 之後食飽就訓著左.... 其實, 我諗都冇諗過第一次搭飛機係會訓著左, 仲要一醒既時候, 廣播緊台北既天氣.... =.=" 咁就完成左第一次飛行記。 
圖攝於香港國際機場, 2004年12月3日, 早上7:53分